Jarys kúndeligi: Shahmat

Qazaqtyń tanymal aralas jekpe-jek sheberi Asý Almabaev (21-3) 26 shildede Ábý-Dabıde uıymdastyrylatyn UFC on AVS 9 týrnıriniń negizgi kardynda kúsh synasady. Onyń qarsylasy – perýlyq Hose Ochoa (8-1). Keshtiń basty básekesinde aýctralııalyq Robert Ýıttaker (26-8) men nıderlandtyq Rene de Rıdder (20-2) aıqasady. Sondaı-aq Pıotr Iаn (18-5) men Markýs Makgı (10-1), Braıs Mıtchell (17-3) men Saıd Nurmagomedov (18-4), Sharabýtdın Magomedov (15-1) pen Mark-Andre Barrıo (17-9) ózara kúsh synasady. Fýtboldan ÝEFA Chem­pıon­dar lıga­synyń ekinshi irik­teý kezeńinde «Qaırat» Fın­lıan­dııanyń KýPS-yna qarsy oınady. Sýomı elinde ótken báse­ke 2:0 esebimen alań ıeleriniń paıdasyna sheshildi. Goldardyń avtorlary – Múhamed Týre men Iаakko Oksanen. Qarymta match 29 shildede Almatyda ótedi. Almatyda ústel tennısinen «WTT Youth Contender» dep atalatyn halyqaralyq týrnırdiń shymyldyǵy túrildi. Uldar men qyzdar, jasóspirimder men jastar, juptar arasynda ótip jatqan jarysta 16 memleketten kelgen 235 sportshy baq ­synaıdy. Reseılik maman Evgenıı Korolev Qurlyqtyq hokkeı lıga­synda (QHL) baq synap júr­gen Astananyń «Barys» klýby­nyń bas bapkeriniń mindetin aqtarýshy bolyp taǵaıyndaldy. Kezinde Kanada, AQSh, Reseıdiń túrli komandalarynda óner kórsetken sheber 2016 jyldan beri jattyq­tyrýshylyq qyzmet atqarady. Parsy shyǵanaǵynda ótken «The Ultimate Fighter 33 UAE Warriors» týrnıriniń tusaýkeser kezdesýinde Abaı Jalal kezinde «ARES Fighting Championship» pen «Extreme Fighting Championship» pro­moýshenderiniń chempıony bol­ǵan OAR-dyń ókili Demarte Penamen aıqasty. Osy kúnge deıin barlyq qarsylasyn sypyra utyp kelgen qandasymyz bul joly jeńilistiń kermek dámin tatty. Grýzııa astanasy – Tbılısıde semserlesýden álem chempıonaty bastaldy. Jer jahannyń barlyq myqtylary bas qosqan jarys­ta elimizdiń quramasy sapynda Rýslan Qurbanov, Vadım Sharlaımov, Erlik Sertaı, Kırıll Pro­hodov, Sofııa Nıkolaıchýk, Vladıs­lava Andreeva, Vıktorııa Kaı­darova, Karolına Fomına (sem­ser), Artıom Sarkısıan, Nazar­baı Sattarhan, Baqdáý­let Qural­bekuly, Janat Nábıev, Áıgerim Sarybaı, Karına Dospaı, Anastasııa Gýlık, Tatıana Prıhodko (qylysh), Ǵalym Nurymov, Temirlan Qalıev, Tımofeı Semıonov, Sofııa Aqtaeva, Alına Eskendirova, Kúljan Túsipbekova, Alıona Gnoeva (rapıra) syndy sportshylar óner kórsetedi.