Júzinshi júrek toqtap qalǵan joq

Kórsetilim Chaplin kı­­no­teatrynda ót­­ti. Bul fılm eli­mizde transplantologııa taqy­rybyn ashyq talqylaýǵa jasalǵan mańyzdy qadam. Búginde Kútý paraǵynda 4 myń­nan astam naýqas tirkel­gen. Olardyń 145-i – júrek transplantasııasyna muqtaj. Bul adamdar kún saıyn «donor tabyldy» degen habardy kútýmen ómir súredi. О́ki­nishke qaraı, keıbiri sol sátti kútpeı-aq ómirden ótedi. Jyl saıyn 30-35 pasıent Kútý paraǵynan shyǵyp qalady.

«Medısınanyń damý deńgeıi — qoǵamnyń damý deńgeıimen tikeleı baıla­nysty. 100-shi júrek trans­plantasııasynyń jasalýy – bizdiń qoǵamnyń jańa bir beleske kóterilgenin, damyǵan eldermen qatar kele jatqanymyzdy kórsetedi. О́kinishke qaraı, júrek transplantasııasy tek qaıtys bol­ǵan donordan ǵana alynady. Bul – júrek jetkiliksizdiginiń sońǵy satysyndaǵy pasıentterge kómektesetin jalǵyz jol»,  dedi fılm barysynda UMC basqarma tóraǵasy Iýrıı Pıa.

Operasııa 4 aqpanda UMC Júrek ortalyǵynda jasaldy. 10 mınýttyq qysqametrajdy fılmde dárigerler sol túnniń qıyn bolǵanyn aıtady. Donor júrek tıelgen brıgada Petropavldan Astanaǵa ushyp shyqqanymen, aýa raıynyń qolaısyzdyǵyna baılanysty ushaq elordaǵa qona almaı, baǵytyn Qaraǵandyǵa burǵan. Júrek sol jerden jedel járdem kóligimen elordaǵa jetkizildi. Bul ýaqytta ota jasaıtyn kardıohırýrgter komandasy ony kútip otyrǵan edi. Mundaı sátte operasııa zalyndaǵy jaǵdaı erekshe shıelenisedi, sebebi júrekti tasymaldaý kezinde ýaqyt – basty faktor. Eger organ ýaqytynda jetkizilmese, onyń fýnksıonaldyq qasıetteri joǵalýy múmkin.

Júzinshi júrekti almas­tyrý – úmitin úzbeı kútip otyrǵan júzdegen naýqasqa úmit syılaıtyn mańyzdy oqıǵa boldy.

Aıta ketý kerek, bul fılm UMC Júrek ortalyǵy jáne Heart Center Foundation qoǵam­dyq qorynyń birlesýimen túsirilgen. Kórsetilim 10 tamyzda Astanada ótetin «Júre­­gimniń jeńimpazy» dás­túr­li júgirý festıvaline oraı­lastyrylǵan. Bul festıval – Kútý paraǵynda turǵan naý­­qastarǵa qoldaý kórsetý maq­satynda ótkiziledi.

Derekti fılmdi YouTube platformasynan kórýge bolady.