20 jastaǵy Alan esimdi azamat taý jotalarynda joǵalyp ketti. Jigit 27 shilde kúni tańǵy saǵat 6 shamasynda Medeýden Jastar shyńyna qaraı bet alǵan. Sodan beri baılanysqa shyqpaǵan, dep jazady Egemen.kz.
Qaladaǵy Tótenshe jaǵdaılar departamentiniń habarlaýynsha, sol kúni keshki 23:02-de qutqarý qyzmetine onyń joǵalǵany jóninde habarlama túsken. Izdeý jumystary birden bastalyp, «Medeý» qutqarý beketi men «Týıýk-Sý» baqylaý pýnktiniń mamandary jumyldyryldy. Jastar, Tıtova jáne T1 shyńdary tekserildi. Alaıda ázirge nátıje joq.
Qazirgi tańda Myńjylqy jotasynda jedel shtab qurylyp, izdestirý jumystary jalǵasyp jatyr. Qolaısyz aýa raıy tikushaqtyń ushýyna múmkindik bermeı otyr.
Qutqarýshylar volonterlerdiń, dron ıeleriniń jáne ıtpen iz kesýshilerdiń kómegine muqtaj.
Alan qara bas kıim, jeńi uzyn qyzyl kúrtemen shyqqan kúıinde joǵalǵan.
Qandaı da bir aqparaty bar azamattardan +7 701 764 64 74 nómirine habarlasý suralady.