Jantúrshigerlik oqıǵa Oral qalasynda bolǵan. Veronıka Naýmova polısııaǵa otbasyndaǵy altynshy balasy bes jasar Daler Bobıevtiń joǵalyp ketkeni týraly aryzdanǵan. Ol polısııaǵa balanyń óz betimen úıden shyǵyp ketip, oralmaǵanyn aıtqan, dep jazady Egemen.kz.
Polısııa birneshe kún izdep, balanyń máıitin otbasyna tıesili saraıdaǵy sómkeden tapqan. Gazeta.Ru málimetinshe, jalpy oqıǵa 2023 jyldyń maýsymynda bastalǵan.
Tergeý barysynda aıyptalýshy balanyń jýyný bólmesindegi ydystaǵy sýǵa batyp ketkenin aıtyp aqtalmaq bolǵan.
«Veronıka Naýmova Daler Bobıevtiń joǵalyp ketkenine qatysty túrli nusqa aıta bastady. Onyń sózderi birimen biri qabyspaı jatty. Onyń sońǵy kúnderi ne istegenin naqty aıtyp bere almaǵan. Sodan keıin bala ólimi muqııat tekserildi», dep túsindirdi tergeýshi Sergeı Kıbardın.
Tergeý kezinde Veronıka Naýmova balany ózi uryp-soǵyp, sýǵa batyrǵan. Ol 5 jasar balany tamaqty ruqsatsyz alǵany úshin jazalamaq bolǵan. Kúdiktiniń balany ash qaldyryp, buǵan deıin de soqqyǵa jyǵyp kelgeni anyqtalǵan.
Al bul oqıǵadan qamqorshynyń kúıeýi habardar bolyp shyqqan.
Aıyptalýshy endi ǵana 24 jylǵa sottalǵan. Kúıeýi de bes jylǵa bas bostandyǵynan jáne serjant sheninen aıyrylǵan.
Qylmysqa qatysy bar Naýmovanyń jıeni bes jylǵa, qorǵanshylyqta jumys istegen áıel eki jylǵa bas bostandyǵynan aıyrylǵan.
Sondaı-aq Daler barǵan balabaqshanyń burynǵy meńgerýshisi de salǵyrttyǵy úshin bir jyl 10 aıǵa qamalǵan.