Astanada dzıýdo federasııasynyń kezekti konferensııasy ótti. Jıyn barysynda ataqty balýan, Olımpııa oıyndarynyń kúmis, álem chempıonatynyń qola júldegeri Ashat Jıtkeev uıymnyń vıse-prezıdenti bolyp taǵaıyndaldy. Bas hatshylyq qyzmetke Tımýr Bolat taǵaıyndaldy. Tımýr kezinde qurlyqtyq, halyqaralyq jarystarda jeńis tuǵyryna kóterilgen elimizdiń myqty dzıýdoshylarynyń biri. Sonymen qatar jıynda atqarylǵan jumystar qorytyndylanyp, aldaǵy josparlar talqylandy.
Tennısten Astanada Prezıdent kýbogi bastaldy. ATP Challenger Tour men ITF World Tennis Tour sanatyndaǵy jarysta birqatar memleketten kelgen sportshylar baq synaıdy. Olardyń qatarynda uıymdastyrýshylar tarapynan Wild card-qa ıe bolǵan Ámir Omarhanov pen Zańǵar Nurlanuly bar. Georgıı Lomakın, Islam Orynbasar, Erasyl Baqtııar, Danıel Tazabekov irikteý synyna qatysyp jatyr.
Fýtboldan elimizdiń premer-lıgasynyń 18-týr oıyndary mynadaı nátıjelermen aıaqtaldy: «Qaısar» – «Qyzyljar» 1:0, «Tobyl» – «Qaırat» 1:3, «Elimaı» – «Jetisý» 3:0, «Jeńis» – «Oqjetpes» 0:0, «Turan» – «Ordabasy» 0:4.