Taılandtyń ortalyǵynda ornalasqan Sýphanbýrı provınsııasyndaǵy feıerverk shyǵaratyn zaýyttaǵy jarylystan keminde toǵyz adam mert bolyp, eki adam túrli jaraqat alǵan. Apat jergilikti ýaqytpen 11:10-da bolǵan, dep habarlaıdy Egemen.kz Sınhýa agenttigine silteme jasap.
Oqıǵa ornyna jetken qutqarýshylar zardap shekkenderdi shuǵyl túrde jaqyn mańdaǵy aýrýhanaǵa jetkizgen.
Jarylystyń naqty sebebi ázirge belgisiz, tıisti organdar tekserý jumystaryn júrgizip jatyr.
Aıta keteıik, mundaı oqıǵa buǵan deıin Úndistanda da tirkelgen bolatyn. Onda feıerverk fabrıkasynda bolǵan jarylys saldarynan segiz adam kóz jumǵan edi. Al Germanııadaǵy Reın jármeńkesinde uıymdastyrylǵan otshashý kezinde 19 adam túrli jaraqat alǵan.