Bul kelisim Prezıdent Qasym-Jomart Toqaevtyń Túrkııa Respýblıkasyna resmı sapary aıasynda jasalǵan, dep jazady Egemen.kz.
Túrkııalyq joǵary oqý ornynyń fılıaly О́zbekáli Jánibekov atyndaǵy Ońtústik Qazaqstan pedagogıkalyq ýnıversıtetinde ashylady.
«Qazirgi tańda bizdiń 12 myńnan astam stýdentimiz Túrkııada, al 300 túrik stýdenti Qazaqstannyń joǵary oqý oryndarynda bilim alyp jatyr. Osyǵan qoldaý kórsetkeni úshin Túrkııa Prezıdenti men Úkimetine rızashylyǵymdy bildiremin. Uzaq jyldan beri Túrkistan tórinde Ahmet Iаsaýı atyndaǵy Halyqaralyq qazaq-túrik ýnıversıteti tabysty jumys istep keledi. Sondaı-aq Ońtústik Qazaqstan pedagogıkalyq ýnıversıtetiniń janynan Túrkııanyń ozyq bilim oshaqtarynyń biri – Gazı ýnıversıtetiniń fılıaly ashylmaq», dedi Memleket basshysy Túrkııa saparynda.
Endi Qazaqstan men Túrkııa arasyndaǵy bilim men ǵylym salasyndaǵy strategııalyq áriptestik jańa deńgeıge kóteriledi. Ǵylym jáne joǵarǵy bilim mınıstrligi bul halyqaralyq bilim keńistigindegi mańyzdy serpilis ekenin atap ótken.
Aıta keteıik, О́.Jánibekov atyndaǵy OQPÝ – 1937 jyly qurylǵan, elimizdiń ońtústik óńirindegi pedagogıkalyq kadrlardy daıarlaıtyn irgeli oqý orny.
Sondaı-aq, Gazı ýnıversıteti – 1926 jyly negizi qalanǵan jetekshi ýnıversıtetteriniń biri. Ol bilim berý, ǵylym, medısına jáne ózge de baǵyttar boıynsha joǵary deńgeıdegi mamandar daıarlaıdy.