Qyzylorda polıseıleri «Taza Qazaqstan» respýblıkalyq ekologııalyq aksııasy aıasynda 7700-den astam ákimshilik quqyq buzýshylyqty anyqtap, kináli tulǵalardy jaýapkershilikke tartty, dep jazady Egemen.kz.
Abattandyrý qaǵıdalaryn buzǵan 4641 derek, al ortaq paıdalanylatyn oryndardy lastaý boıynsha 3115 quqyq buzýshylyq tirkelip, 60 mıllıon teńgeden astam aıyppul salyndy.
Is-shara barysynda 23 mobıldi top qurylyp, 4378 reıd júrgizildi. Nátıjesinde oblys kóleminde 504 zańsyz qoqys tastaý orny anyqtalypty. Kópqabatty úıler aýlasyndaǵy, sondaı-aq qala mańyndaǵy keıbir aýdandarda beı-bereket tastalǵan qoqystar ekologııalyq jaǵdaıǵa keri áserin tıgizip otyr.
Polıseıler áleýmettik jelilerdegi osy máseleni kótergen jarııalanymdardy baqylap, óz quzyreti aıasynda tıisti sharalar qabyldaıdy.