Hımıoterapııalyq preparatty robot ázirleıdi

Bul robottyń qolynan ne keledi, múmkindigi qandaı degen saýalǵa toqtalatyn bolsaq, ol ózdiginen preparattardyń dozasyn dál esepteıdi. Oǵan qosa, 360 gradýstyq kamera men keskin bazasy arqyly dári-dármekter­di anyqtaı alady. Shtrıhkodtardy tek­serip, komponentterdi ara­lastyrý­ǵa deıingi jáne ke­ıingi mólshe­rin ólsheıdi. Adam ara­laspasa da, dozalaý men dárilik pre­parattardyń qura­myn tań­daý­da qatelik jiber­meıdi. Paıdalanylǵan materıaldar­dy ózdiginen joıa otyryp, adam­nyń qaýipti zattarmen ju­mys isteýin barynsha azaıtady. Bul tehnologııa buryn dári-dármekterdi qolmen daıyndaý barysynda sıtotoksıka­lyq zattarmen baılanysqa túsý­ge májbúr bolǵan medısına­lyq qyzmetkerler úshin qa­ýip-qaterdi aıtarlyqtaı tómen­detedi.

«KiroOncology» roboty eki mehanıkalyq manıpýlıatormen jabdyqtalǵan, olar preparattardy flakondarǵa quıý, aralastyrý úderisin tolyq atqarady. Úderis aıaqtalǵan­nan keıin qurylǵy paıdalanyl­ǵan bótelkeler men shprıs­terdi hımıoterapııa qaldyq­ta­ryn qolǵa ustamaı-aq, avto­matty túrde tyǵyzdalatyn germetıkalyq konteınerde joıady.