Almaty oblysynda 2024–2025 oqý jylyn 437 jalpy bilim beretin memlekettik mektepte 352 856 oqýshy aıaqtady (46 jekemenshik mektepte 16 412 oqýshy). Byltyrǵy jylmen salystyrǵanda oqýshy sany 11 059-ge artyp otyr.
Úsh aýysymda oqytý men mektep oryndarynyń tapshylyǵyn joıý maqsatynda Memleket basshysy Qasym-Jomart Toqaevtyń bastamasymen oblysta 26 «Keleshek mektepteri» qurylysy kózdelip, ótken jyly osy ulttyq joba aıasynda 11 100 oryndyq 10 mekteptiń (Jambyl aýdany Uzynaǵash, Talǵar aýdandarynda Jańalyq aýyly, Qarǵaly aýyly, Qarasaı aýdany Dolan, Qoshmambet, Kókózek, Eltaı, Kemertoǵan aýyldary, Qaskelen qalasy, Eńbek aýyly, Alataý qalasy) jáne 3 275 oryndyq 3 jekemenshik mekteptiń qurylysy aıaqtalyp, paıdalanýǵa berildi («О́temuratov qory» arqyly Eńbekshiqazaq aýdanyndaǵy Esik qalasy men Shelek aýylynda 900 oryndyq 2 mektep, «Meniń mektebim» JShS Esik qalasynda 1 475 oryndyq 1 mektep qurylysy).
Al aldyńǵy jyly óńirde 14 400 oryndyq 14 mektep salyndy.
Nátıjesinde, úsh aýysymda oqıtyn mektep sany 52-den 30-ǵa deıin azaıdy (Jambyl aýdanynda – 3, Ile – 17, Eńbekshiqazaq – 1, Talǵar – 6, Qarasaı – 2, Alataý qalasy – 2). Qalǵan 17 mekteptiń qurylysy júrgizilip jatyr.
«Keleshek mektepteri» – jaı ǵana qurylys emes, el úshin mańyzy zor ózgeristerdiń bastaýy, bolashaqqa jasalǵan nyq qadam.
«Keleshek mektepteri» – Memleket basshysy Qasym-Jomart Toqaevtyń bastamasymen qolǵa alynǵan ulttyq aýqymdaǵy joba. Onyń basty maqsaty – apatty jaǵdaıdaǵy mektepterdiń, úsh aýysymda oqytýdyń jáne oqýshy oryndarynyń tapshylyǵy máselesin sheshý.
Búgingi kúni Eńbekshiqazaq aýdany Ashysaı aýylynda «Keleshek mektepter» baǵdarlamasymen 3,4 gektar aýmaqqa 600 oryndyq mekteptiń qurylysy júrgizilip jatyr. Qurylys jumystary «Exclusive construction» (Qurylysshy – TBS) JShS enshisinde.
«Aýyldaǵy Sh.Ýálıhanov atyndaǵy orta mektep 1977 jyly salynǵan. Eski mektep edi. Osyǵan baılanysty jańa mektep qurylysy byltyrǵy jyldyń mamyr aıynda bastaldy. Aldaǵy oqý jylynda qoldanysqa beriledi dep kútilip otyr. Endi, mine, balalar jaıly da jaryq mektepte oqıtyn boldy. Búgingi kúni mektep qurylysynyń jumysy 85 paıyzǵa aıaqtaldy», – deıdi mektep dırektory Janar Málikqyzy.
Ashysaı aýylynda bıyl 583 oqýshy mektepke barady.
Almaty oblysy