Bokstan IBF jáne WBO tujyrymdary boıynsha orta salmaqtaǵy álem chempıony qazaqstandyq Jánibek Álimhanuly sharshy alańǵa qashan oralatynyn aıtty, dep habarlaıdy Egemen.kz.
Qazaqstandyq boksshy birneshe aıdan beri WBC nusqasy boıynsha álem chempıony, domınıkandyq Karlos Adamespen áleýmettik jelilerde kelispeýshilik júrgizip keledi.
Alımhanulynyń aıtýynsha, ol chempıonmen judyryqtasý ıdeıasynan bas tartýǵa daıyn, sebebi bıyl ekinshi jekpe-jegin ótkizgisi keledi.
«Men AQSh-qa ushyp bara jatyrmyn. Qarasha aıynda jekpe-jekke daıyn bolamyn! Adamestiń múmkindigi az qaldy. Eger ol kelispese, men belbeýlerimdi basqa boksshylarmen qorǵaımyn! Sondyqtan oǵan jáne onyń menedjerlerine aıtarym: ýaqyttaryńyz taýsylyp jatyr!», dep jazdy Jánibek áleýmettik jelide.
Eske salsaq, bıyl Jánibek Alımhanuly eki belbeýin bir ret qorǵap úlgerdi – sáýir aıynda Astanada ótken týrnırde fransýz boksshysy Anaýel Ngamıssenge nokaýtpen jeńilgen bolatyn.
Odan keıin qazaqstandyq boksshy dıvızıon chempıondarynyń birimen úsh tıtýl úshin jekpe-jek ótkizgisi keletinin birneshe ret aıtqan.