Qazaqstan AQSh tarapynan eshqandaı qosymsha sanksııa nemese baj salyǵyna ilikpeıdi. Bul týraly Saýda jáne ıntegrasııa mınıstri Arman Shaqqalıev málimdedi, dep jazady Egemen.kz.
Mınıstrdiń aıtýynsha, elimiz óz halyqaralyq mindettemelerin buzbaıdy.
«Biz eshqandaı erejeni buzyp otyrǵan joqpyz, sondyqtan mundaı sanksııalarǵa ilikpeımiz degen oıdamyz Qatań baqylaý, sonyń ishinde eksporttyq baqylaý salasyndaǵy tekserister turaqty túrde júrip jatyr», dedi Arman Shaqqalıev.
Onyń sózinshe, qazir AQSh tarapy Reseımen saýda qatynasy bar elderge 25%-dyq baj salyǵyn engizý máselesin kóterip otyr. Buǵan deıin AQSh prezıdenti Donald Tramp 100%-dyq baj salyǵyn engizý týraly aıtqan bolatyn, biraq bul áli naqty shara retinde qarastyrylyp jatqan joq.
Mınıstr Qazaqstan men AQSh arasynda ekonomıkalyq, saýda baǵytynda konsýltasııalar jalǵasyp jatqanyn da atap ótti.