Otandasymyz Nurjan Tólegen Fransııa astanasy Parıjde lıýks sanattaǵy parfıým jasap, satylymǵa shyǵardy. Bul týraly Mádenıet jáne aqparat mınıstri Aıda Balaeva málim etti, dep jazady Egemen.kz.
- Búgin Fransııada turatyn etnıkalyq qazaq Nurjan Tólegenmen kezdestim. Qytaıdyń Ile óńirinde týyp-ósken Nurjan búginde Parıjde turady. Qazaq rýhanııatyna yqylasy erekshe azamat jaqynda jańa bir jobany qolǵa alyp, «Qyz Jibek» atty ıissý shyǵarǵan. «Kiz Jibek» dep atalatyn bul lıýks sanattaǵy parfıým Fransııa astanasynyń naryǵyna Tolegen Paris brendimen shyqty, - dep jazdy Aıda Balaeva Facebook paraqshasynda.
Mınıstrdiń málimdeýinshe, ıissý qutysy qazaqy oıýmen órnektelip, lırıkalyq jyrmen kórkemdelgen.
- Nurjan Tólegen bul átir 17 ǵasyrdaǵy qazaq dalasynyń «Qyz Jibek» lırıkalyq jyryn qaıta jańǵyrtatynyn erekshe atap ótti. Onyń osydan birneshe jyl buryn Qazaqstanǵa jasaǵan sapary ómirin túbegeıli ózgertken eken. Sonyń áserinen paıda bolǵan bul brend – Shyǵys pen Batysty baılanystyratyn jańa kópir ispetti. Osyndaı kreatıvti, bastamashyl ári otanshyl jastardy qoldaýǵa shaqyramyn. Bul bárimizdiń ortaq mindet,- deıdi vedomstvo basshysy.
Sondaı-aq mınıstr otandasymyzdyń isine tabys tiledi.