Jyl bastalǵaly «Qazsýshar» RMK Batys Qazaqstan fılıaly tabıǵatty qorǵaý jáne shabyndyqtardy sýarý úshin 54 mln tekshe metrden astam sý jibergen. Jánibek sýarý-sýlandyrý júıesi arqyly búginge deıin 7,9 jáne Oral-Kóshim arqyly 22,25 mln tekshe metr sý jiberilgen, dep jazady Egemen.kz.
Sonymen qatar fılıal dıqandarmen sýarý sýyn jetkizýge kelisimsharttar jasaýdy jalǵastyryp jatyr. Búginde Oral-Kóshim sýarý-sýlandyrý júıesi arqyly 5 335,5 gektar jerge 20 mln tekshe metr sý jetkizýge 178 kelisimshart, al Shaǵan ózenindegi sý qoımasynan 1 879,4 gektar jerge 6 mln tekshe metr sý jetkizýge 72 kelisimshart jasalǵan.
BQO-daǵy «Qazsýshar» RMK fılıaly dırektorynyń mindetin atqarýshy Raýan Hýsaınovtyń aıtýynsha tabıǵatty qorǵaý maqsatynda sý jiberý men tabıǵı shabyndyqtardy sýarý ekologııalyq tepe-teńdikti saqtaýǵa múmkindik berip, óńirdegi flora men faýnanyń jaı-kúıin jaqsartýǵa kómektesedi.
«Sanıtarlyq-ekologııalyq maqsatta beriletin sý jergilikti mal sharýashylyǵyn qajetti azyqpen de qamtamasyz etedi», dedi R.Hýsaınov.