Aýlalardy abattandyrý aýqymy aıtarlyqtaı

Elbasynyń tikeleı tapsyrmasymen sońǵy jyldary Astana qalasynda turǵyn úılerdiń aýlalaryn abattandyrý jumysy belsendi júrgizilip keledi. Osy kezeń ishinde elordada  800-ge jýyq aýla kúrdeli jóndeýden ótkizilip, abattandyryldy. Elordadaǵy osyndaı kúrdeli jóndeýden ótken  aýlalardaǵy balalar oınaıtyn túrli-tústi qondyrǵylardy, qum tóselgen alańdardy, asfalttalǵan jaıaý júrginshiler joldaryn kórgende kóńiliń tolyp, bas qalamyzdy kógaldandyrý jáne kórkeıtý maqsatynda shyn máninde aýqymdy jumystar atqarylyp jatqanyna tánti bolasyń. Bıylǵy jyly da osy bir ıgi dástúr laıyqty jalǵasyn tabýda. Qala ákimdigi belgilegen jospar boıynsha, bıyl elordada 40 aýla abattandyrylady.  Jospar boıynsha bul aýlalarda jańa oıyn jáne sport trenajerlary ornatylyp, alańdarǵa rezeńke tósenishter tóseledi.  Balalar oınaıtyn aýlalar sharbaqtarmen qorshalady. Túrli-tústi boıaýmen árlendirilgen balalardyń oıyn alańdaryndaǵy kórinis eriksiz ertegi qalashyǵyn elestetedi. Ústimizdegi jyly Almaty aýdany aýmaǵynda 27 aýla abattandyrylyp, 36 oıyn jáne 11 sport alańy jaraqtandyrylady. Jańa oryndyqtar, demalys oryndary, qum shashylǵan oıyn alańdary iske qosylady. Sonymen birge, osy aýdan aýmaǵynda 378 avtokólikke arnalǵan kólik qoıatyn jańa turaqtar jasalady. О́tken jyly Almaty aýdany boıynsha 34 balalardyń oıyn alańy jáne 5 sport alańy jabdyqtalyp, 20 aýla abattandyrylǵan bolatyn. Bıyl, Esil aýdanynda Saraıshyq, Qabanbaı batyr, Aqmeshit, Saýran jáne basqa kóshelerdegi turǵyn úılerdiń aýlalary abattandyrylady. Saryarqa aýdany boıynsha Bógenbaı batyr kóshesi №48-50, Beıbitshilik kóshesi №26-28, Jeńis dańǵyly №19-21 jáne basqa kóshe­lerdegi 6 aýlada kúrdeli jóndeý jumys­taryn júrgizý josparlanýda. Bul aýlalarda asfalttyq jabyndylar jańar­tylady, sporttyq trenajerlar orna­ty­lyp, balalar oınaıtyn alańdar jab­dyq­talady. Aýlalarda aǵash egilip kógal­dan­dyrý sharalary is júzine asyry­lady. Oıyn alańdarynda balalardyń jaraqat­tanýyn azaıtý maqsatynda jum­saq rezeń­ke jabyndylar tóselip, qum tógiledi.