Oqý-aǵartý mınıstri 2025 jylǵy 5 tamyzdaǵy buıryǵymen 2025–2026 oqý jylynyń bastalý jáne aıaqtalý merzimderin, sondaı-aq orta bilim berý uıymdaryndaǵy oqýshylardyń qorytyndy attestasııasyn ótkizý merzimderin bekitti, dep habarlaıdy Egemen.kz.
Oqý jyly 2025 jylǵy 1 qyrkúıekten bastap 2026 jylǵy 25 mamyrǵa deıin jalǵasady.
1–11 (12) synyptar úshin oqý men kanıkýl uzaqtyǵy kelesideı:
1-toqsan – 8 oqý aptasy, kúzgi kanıkýl – 7 kúntizbelik kún (2025 jylǵy 27 qazannan 2 qarashaǵa deıin);
2-toqsan – 8 oqý aptasy, qysqy kanıkýl – 10 kúntizbelik kún (2025 jylǵy 29 jeltoqsannan 2026 jylǵy 7 qańtarǵa deıin);
3-toqsan – 10 oqý aptasy, kóktemgi kanıkýl – 11 kúntizbelik kún (2026 jylǵy 19 naýryzdan 29 naýryzǵa deıin);
1-synyptar úshin qosymsha kanıkýl qarastyrylǵan – 7 kúntizbelik kún (2026 jylǵy 9 aqpannan 15 aqpanǵa deıin);
4-toqsan – 8 oqý aptasy.
Qorytyndy attestasııa ótkizý merzimderi kelesideı:
9-synyp (10-synyp) oqýshylary úshin qorytyndy bitirý emtıhandary 2026 jylǵy 29 mamyr men 11 maýsym aralyǵynda ótedi; 11-synyp (12-synyp) oqýshylary úshin memlekettik bitirý emtıhandary 2026 jylǵy 2 maýsym men 15 maýsym aralyǵynda ótkiziledi.Sondaı-aq 9-synyp (10-synyp) oqýshylary úshin emtıhan ótkizý merzimderi bekitildi:
Matematıka (algebra) páninen jazbasha emtıhan – 2026 jylǵy 29 mamyr
Tańdaý páni boıynsha jazbasha emtıhan (fızıka, hımııa, bıologııa, geografııa, geometrııa, Qazaqstan tarıhy, dúnıejúzi tarıhy, ádebıet (oqytý tiline sáıkes), shetel tili (aǵylshyn/fransýz/nemis), ınformatıka) – 2026 jylǵy 3 maýsym;
Qazaq tili/orys tili jáne ana tili boıynsha jazbasha emtıhan (uıǵyr, tájik, ózbek tilderinde oqytatyn mektepter úshin — oqytý tili boıynsha esse túrinde; gýmanıtarlyq pánderdi tereńdetip oqytatyn mektepter úshin — maqala, áńgime, esse túrinde jazbasha jumys) – 2026 jylǵy 8 maýsym;
Qazaq tili men ádebıeti páninen jazbasha emtıhan (orys/ózbek/uıǵyr/tájik tilderinde oqytatyn synyptar úshin) jáne orys tili men ádebıeti páninen jazbasha emtıhan (qazaq tilinde oqytatyn synyptar úshin) – 2026 jylǵy 11 maýsymda ótedi.
11-synyp (12-synyp) oqýshylary úshin:Qazaqstan tarıhy páninen aýyzsha emtıhan – 2026 jylǵy 2 maýsym;
Algebra jáne analız bastamalary páninen jazbasha emtıhan – 2026 jylǵy 5 maýsym;
Qazaq tili/orys tili jáne ana tili páninen jazbasha emtıhan (uıǵyr, tájik, ózbek tilderinde oqytatyn mektep/synyptar úshin — oqytý tili boıynsha) – 2026 jylǵy 9 maýsym;
Tańdaý páni boıynsha jazbasha emtıhan (fızıka, hımııa, bıologııa, geografııa, geometrııa, dúnıejúzi tarıhy, quqyq negizderi, ádebıet (oqytý tiline sáıkes), shetel tili (aǵylshyn/fransýz/nemis), ınformatıka) – 2026 jylǵy 12 maýsym;
Qazaq tili men ádebıeti páninen jazbasha emtıhan (ózbek/uıǵyr/tájik/orys tilinde oqytatyn mektep/synyptar úshin) jáne orys tili men ádebıeti páninen jazbasha emtıhan (qazaq tilinde oqytatyn mektep/synyptar úshin) – 2026 jylǵy 15 maýsymda ótedi.
Bul buıryq 2025 jylǵy 24 tamyzdan bastap kúshine enedi.