PAVLODAR. 7 mamyr. Pavlodar oblysyndaǵy Sharbaqty aýylynyń turǵyny О́mirjan Oshanov 6 sáýirde velosıpedpen Máskeýge jolǵa shyqqan bolatyn. Ol 3800 shaqyrym joldy júrip ótip, 6 mamyrda Máskeýge jetti. Bul týraly egemen.kz tilshisi habarlady.
О́mirjan Oshanov velosherýin Jeńistiń 70 jyldyǵyna arnady. Áýesqoı veloshabandoz 22 kúnniń ishinde 3 myń 800 shaqyrymdy jol júripti. Ol aýylda dene shynyqtyrý páninen sabaq beredi. Áýesqoı veloshabandozdy Kremldiń aldynda jerlesterimiz qarsy aldy. Oshanovtyń qasynda jolserigi Erqanat Asqarov bar. Bir ókinishtisi, Troısk qalasy tusynda shekaradan óter kezde, velosıpedshiniń sońynan erip júrgen kólik júrgizýshisin tólenbegen alıment qaryzy úshin Reseıge jibermeı qoıady. Júrgizýshi keri qaıtypty. Zańnyń aty zań. Sońdarynan basqa júrgizýshi jolǵa shyǵypty.
О́mirjan Oshanov pen Erqanat Asqarov jol boıyndaǵy aýyl, qalalarǵa toqtap, soǵysy ardagerlerine syılyqtar tabystap, qurmet kórsetipti. Endi ekeýi de 9-mamyrda Máskeýde ótetin paradqa qatysady.
Farıda Byqaı.
Derek: egemen.kz
Sýret: Vera Lıvınsova.