Atyraý qalasynda munaı kompanııasynyń demeýshiligimen ashylǵan retro saıabaq bar. Endi ýrbanıstıka ortalyǵyn ashý kózdelip otyr, dep habarlaıdy Egemen.kz.
Oblys ákimi Serik Shápkenovtiń aıtýynsha, munaıly shaharǵa ýrbanıstıka ortalyǵy qajet. Osy oraıda ortalyq mamandaryna birneshe mindet júkteledi.
«Ortalyqtyń negizgi mindeti – qaladaǵy qoǵamdyq keńistikterdiń, sonyń ishinde saıabaqtardyń, kósheler men gúlzarlardyń sanyn arttyryp, shahar keıpin jaqsartý jáne dızaın-kod engizý. Ýrbanıstıka ortalyǵy oblystyq qurylys, sáýlet jáne qala qurylysy basqarmasy janynan qurylady. Ortalyqtyń usynystary jańa nysandardy jobalaý kezinde eskeriledi. Ortalyq jumysyna ýrbanıstıka salasynyń mamandary tartylady», deıdi Serik Shápkenov.