Apple kompanııasy Apple Watch smart-saǵattarynyń keıbir úlgilerinde qandaǵy ottegin ólsheý fýnksııasyn qaıta iske qosatynyn resmı málimdedi. Bul múmkindik Watch Series 8, Series 10 jáne Apple Watch Ultra modelinde qoljetimdi bolady, dep habarlaıdy Egemen.kz.
Endi qandaǵy otteginiń deńgeıin ólsheý jáne derekterdi óńdeý tikeleı Apple Watch qurylǵysynda emes, oǵan qosylǵan iPhone arqyly júzege asady. Nátıjelerdi paıdalanýshylar «Densaýlyq» qosymshasyndaǵy «Tynys alý» bóliminen kóre alady. Osylaısha fýnksııa saǵat ekranynda tikeleı kórsetilmeıdi.
Bul shekteý AQSh-tyń Halyqaralyq saýda jónindegi komıssııasy (ITC) engizgen tyıymǵa baılanysty paıda bolǵan edi. Buǵan deıin Masimo kompanııasy Apple-di pýlstik oksımetrııa tehnologııasyna qatysty patentterdi buzdy dep aıyptap, sotqa júgingen. ITC bul talapty negizdi dep tanyp, Apple ýaqytsha qandaǵy ottegin ólsheý fýnksııasyn óshirgen bolatyn.
Qazirgi ýaqytta Apple sot isin jalǵastyryp, tyıymdy qaıta qaraýdy talap etýde. Kompanııa Masimo-ny da qarsy talappen aıyptap, onyń Apple Watch fýnksııalaryn óz qurylǵylaryna kóshirýge tyrysqanyn málimdedi.
Jańartylǵan fýnksııa jańa iPhone jáne Apple Watch úlgilerine baǵdarlamalyq jasaqtamanyń sońǵy nusqasyn ornatqannan keıin qoljetimdi bolady.