Reseıdiń Kamchatka túbegi mańynda magnıtýdasy 5,8 bolatyn jer silkinisi boldy, dep habarlaıdy Egemen.kz.
TASS agenttiginiń dereginshe, jerasty dúmpýleriniń oshaǵy Tynyq muhıtynda shamamen 60 shaqyrym tereńdikte ornalasqan. Jer silkinisi Petropavlovsk-Kamchatskıı qalasynan 455 shaqyrym qashyqtyqta tirkeldi.
Bul – sońǵy 24 saǵattaǵy eń qýatty seısmıkalyq oqıǵa. Baqylaý nátıjesine sáıkes, táýlik ishinde magnıtýdasy 4–5 aralyǵyndaǵy 16 aftershok bolǵan.
Aımaqtyń TJM ókilderi sońǵy aptada aftershoktardyń sany 40 paıyzǵa azaıǵanyn málimdedi. Buǵan deıin, 30 shilde kúni Kamchatka jaǵalaýynda 1952 jyldan bergi eń kúshti jer silkinisi bolǵan edi. Onyń magnıtýdasy resmı derekter boıynsha 8,8-ge jetti.
Osyǵan baılanysty Kamchatkada tótenshe daıyndyq rejımi engizildi. Qýatty jer silkinisi Soltústik Kýrılsk qalasynda da sezilip, artynan sýnamı tirkeldi. Sý deńgeıiniń maksımaldy kóterilýi 200 metrge jýyqtaǵan. Tynyq muhıttaǵy bul dúmpýler Japonııa, AQSh jáne Fılıppın bıligine de qaýip týraly eskertý jasaýǵa sebep boldy.
Aıta keteıik, buǵan deıin Qyrǵyzstanda bolǵan tótenshe jaǵdaı kezinde taýly lagerden 60 alpınıst evakýasııalanǵan edi. Olardyń arasynda qazaqstandyqtar da bar.