Senatorlar Serik Shaıdarov pen Sovetbek Medebaev Ulytaý oblysyna jumys saparymen bardy. Jezqazǵanda olar temirjol vokzalyn qaıta jańǵyrtý jobasymen tanysty.
«Jezqazǵan vokzaly – óńirdiń damýy úshin strategııalyq mańyzy bar nysan. Zamanaýı talaptarǵa saı jańǵyrtylǵan nysan aldymen turǵyndarǵa qolaıly bolýy kerek. Sondyqtan basty nazarda jolaýshylardyń qaýipsizdigi bolýǵa tıis», dedi S.Shaıdarov.
Sonymen qatar senatorlar Jezqazǵan-Qyzylorda avtojolynyń ýchaskelerin qarap, sapany baqylaýdy kúsheıtý jáne jumys merziminde aıaqtalýyn eske saldy.
«Avtojoldardyń sapasy halyqtyń kúndelikti ómirine tikeleı áser etedi. Barlyq kezeńde standarttar men normalardyń saqtalýy asa mańyzdy, óıtkeni bul tek júrip-turýdyń qolaılylyǵyna emes, adamdardyń qaýipsizdigine de qatysty. Senimdi joldar bıznestiń de jańa múmkindikterin ashyp, turǵyndardyń mobıldigin arttyrady ári óńirlerdiń damýyna serpin beredi», dedi S.Medebaev.
Al Myńbulaq aýylynda parlamentshiler jergilikti turǵyndarmen kezdesti. Jergilikti halyq joldardyń jaǵdaıy, aýyzsýmen qamtamasyz etý, medısınalyq qyzmet kórsetý jáne jumyspen qamtý máselelerine alańdaýly.
Osy oraıda senatorlar bilim berý jáne áleýmettik nysandardy jańǵyrtý, kólik ınfraqurylymyn damytý jáne qaýipsizdikti qamtamasyz etý óńirde halyqtyń ómir sapasyn arttyrýdyń negizgi faktorlary ekenin, aldymen osy baǵyttaǵy jumystar atqarylýǵa tıis ekenin aıtty. Sapar barysynda aıtylǵan usynystar men eskertýler tıisti memlekettik organdarǵa joldanady.