Memleket basshysynyń tapsyrmasyn oryndaý aıasynda Ulttyq qaýipsizdik komıteti qarý-jaraq pen oq-dárilerdiń zańsyz aınalymyna qarsy is-qımyl boıynsha júıeli sharalar qabyldap jatyr, dep habarlaıdy Egemen.kz.
2025 jylǵy tamyz aıynyń basynan bastap UQK polısııa organdarymen birlesip jáne prokýratýranyń úılestirýimen Astana, Shymkent qalalarynda, sondaı-aq Atyraý, Jambyl, Qaraǵandy, Pavlodar, Soltústik Qazaqstan jáne Ulytaý oblystarynda qarýdy, sonyń ishinde «qańtar oqıǵalary» kezinde urlanǵan qarýlardy zańsyz aınalymnan anyqtaý jáne tárkileý maqsatynda birqatar jedel-izdestirý sharalaryn júrgizdi.
Nátıjesinde, 12 Kalashnıkov avtomaty, 6 tapansha, 15 myltyq, 3 granata jáne 500-den astam oq-dári tárkilendi.Atalǵan faktiler boıynsha tergeý-jedel is-sharalary júrgizilip jatyr. Bul baǵyttaǵy jumys jalǵasyp jatyr.