«Qonaev Cup – 2025» halyqaralyq týrnırine 16 elden 260-tan astam shahmatshy jınaldy. Jarys Qarasaı aýdanyndaǵy Olımpıadalyq daıarlaý ortalyǵynda ótti.
«Qonaev Cup» týrnıri 2021 jyldan beri turaqty ótkizilip keledi. Týrnır «Masters», «Challengers» jáne «Open» bolyp úshke bólindi. Onda barlyǵy 30-dan astam júldeli oryn sarapqa salyndy.
«Masters» týrnıriniń (Qazaqstan kýboginiń 3-kezeńi) jeńimpazy Úndistan ókili Adıtıa Mıttal atandy. Elimizdiń shahmatshylary arasyndaǵy eń úzdik nátıje 22 jastaǵy Ramazan Jalmahanovqa tıesili, ol – 5 upaı jınap, 17-orynǵa ıe boldy. Áıelder arasyndaǵy eń úzdik nátıje úshin taǵaıyndalǵan júldeni 19 jastaǵy Ámına Qaıyrbekova ıelendi, ol 4 upaımen jalpy esepte 45-orynǵa turaqtady.
Al «Challengers» boıynsha júldeni Ábilmansur Ábdilqaıyr, Konstantın Kornıenko, Baqtııar Asqarov, Nurǵazy Jeenbekov, Evgenıı Pak, Aqyljan Meıirhanuly syndy shahmatshylar ózara bólisti. Sonymen qatar «Open» júldegerleriniń kóshbasyn Azamat Nurdınov bastasa, odan keıingi oryndardy Tórehan Molbaı, Aıbek Tilekqabyl, Iаn Zımo, Dinmuhamed Mels enshiledi.
Aıta keteıik, «Qonaev Cup – 2025» halyqaralyq shahmat týrnıri «Almaty Region Open» festıvali aıasynda ótti.
Almaty oblysy