Ál-Farabı atyndaǵy Qazaq ulttyq ýnıversıtetinde AWS Community Day Central Asia 2025 atty aýqymdy óńirlik forým bastaldy. Jıynǵa AWS Heroes, Community Builders sarapshylary, sondaı-aq Kanada, Germanııa, Ispanııa, Qazaqstan jáne О́zbekstannan kelgen arnaıy qonaqtar qatysty. Shara aıasynda ınjenerler, arhıtektýra mamandary, startap ókilderi, stýdentter men IT-sala kóshbasshylary bas qosty, dep habarlaıdy Egemen.kz.
Elimizde tuńǵysh ret oflaın formatta uıymdastyrylǵan bul forým – Ortalyq Azııada bultty tehnologııalarǵa degen qyzyǵýshylyqtyń óskenin jáne aımaqtyq IT-qaýymdastyqtyń damýyn aıqyn kórsetip otyr.
Forýmnyń resmı ashylýynda Ál-Farabı atyndaǵy QazUÝ-dyń ǵylymı-ınnovasııalyq jumys jónindegi prorektory Marǵulan Ibraımov sóz sóılep, bastamanyń jastar úshin mańyzyn atap ótti:
«Búgingi jastar – tehnologııany tutynýshy ǵana emes, sonymen qatar ony jasaıtyn urpaq. AWS Community Day sııaqty sharalar – stýdentter men sala mamandary tájirıbe almasyp, Qazaqstan men búkil Ortalyq Azııanyń sıfrlyq bolashaǵyn qalyptastyratyn mańyzdy alań», dedi prorektor.
Aıta keteıik, bultty tehnologııa – derekterdi saqtaý, óńdeý jáne qoldanbalardy iske qosý úshin arnaıy serverler men ınfraqurylymdy qashyqtan paıdalaný ádisi. Iаǵnı kompanııalar men jeke qoldanýshylarǵa qymbat qurylǵylar satyp alýdyń qajeti joq, ınternet arqyly serverlerdiń qýatyn jalǵa alyp, qajetti resýrstarǵa qol jetkize alady. Mundaı tásil ıkemdilikti arttyryp, shyǵyndy azaıtady ári kez kelgen jerden jumys isteýge múmkindik beredi.
Is-sharany Qazaqstan, Qyrǵyzstan jáne О́zbekstandaǵy resmı AWS qaýymdastyqtarynyń jetekshileri uıymdastyrdy. Baǵdarlamada naqty jobalar negizinde bultty sheshimder jasaý tájirıbesi talqylanyp, sıfrlyq transformasııanyń ózekti máseleleri qarastyryldy.
Qatysýshylar DevOps, mashınalyq oqytý, avtomattandyrý jáne kıberqaýipsizdik baǵyttaryndaǵy zamanaýı tásildermen tanysty. Eń qyzyqty sessııalardyń biri – naqty jobalardyń arhıtektýrasyn taldaý jáne jiberilgen qatelikter týraly ashyq pikirtalastar boldy. Sondaı-aq, praktıkalyq sheberlik sabaqtarynda teorııa men tájirıbeni ushtastyrýǵa múmkindik berildi.
Forýmnyń eń mańyzdy bóligi – AWS GameDay atty komandalyq jarys. Baıqaý barysynda qatysýshylar naqty ómirlik jaǵdaılarǵa uqsas ınjenerlik tapsyrmalardy sheship, komandalyq jumys arqyly bilimderin jetildirdi.
Forým barysynda mamandar belsendi pikir almasyp, kásibı keńester alyp, jańa baılanystar ornatty. AWS Community Day Central Asia tek bilim berý alańy ǵana emes, jańa ıdeıalar men tehnologııalyq seriktestikterdiń dúnıege kelý ortalyǵyna aınaldy.
Is-shara halyqaralyq jáne jergilikti IT-kompanııalardyń, joǵary oqý oryndarynyń jáne tehnıkalyq qaýymdastyqtardyń qoldaýymen júzege asty.