Baıdibek aýdanyndaǵy taýda iz-túzsiz ketken alty týrıst aman-esen tabyldy, dep habarlaıdy Egemen.kz.
Shymkentten shyqqan úsh er adam men úsh áıel pık Úlken Týraǵa (Baıdibek aýdany) saıahattap barǵan. Birneshe saǵat boıy baılanysqa shyqpaǵan soń, olardyń týystary qutqarýshylarǵa habar bergen.
Qutqarý jumystary «Syrdarııa–Túrkistan» ulttyq tabıǵı parkiniń aýmaǵynda júrgizildi. Izdeý tobyna bes shaqyrymnan asa taýly aımaq pen ózen boıyndaǵy qıyn ótkelderden ótýge týra kelgen.
Tótenshe jaǵdaılar mınıstrliginiń málimetinshe, týrıster túngi ýaqytta tabyldy. Belgili bolǵandaı, toptaǵy bir áıel aıaǵyn syndyryp alǵan. Sol sebepti serikteri ony taýdan óz betinshe túsire almaǵan.
«Jaraqat alǵan áıelge alǵashqy medısınalyq kómek kórsetilip, evakýasııa jasaldy. Qalǵan saıahatshylardyń jaǵdaıy qanaǵattanarlyq», – dep habarlady TJM.
Mamandar qazaqstandyq týrısterdi taýǵa shyǵar aldynda mindetti túrde qaýipsizdik sharalaryn saqtaýǵa shaqyrady:
Marshrýtty týystaryńyzǵa habarlaý; Baılanys quraldaryn (rasııa, qosymsha telefon) alý; Qajetti dári-dármek jınaǵyn daıyndaý; Qıyn jaǵdaıda qutqarýshylarǵa der kezinde habarlasý.