S&P Global Ratings halyqaralyq agenttigi Qazaqstanǵa qatysty boljamyn «turaqtydan» «jaılyǵa» ózgertti. Bul týraly Ulttyq bank habarlady, dep jazady Egemen.kz.
Agenttik eldiń nesıelik reıtıngin burynǵydaı BBB-deńgeıinde qaldyrdy. Bul ınvestısııalyq deńgeıdiń eń tómengi satysy, ıaǵnı eldiń qaryzdy óteý qabileti jaman emes, biraq ekonomıka nasharlaǵan jaǵdaıda qıyndyq týýy múmkin.
«Boljam el ekonomıkasyn yryqtandyrý men ártaraptandyrýǵa, sonymen birge memlekettik basqarý tıimdiligin arttyrýǵa jáne bıýdjet tapshylyǵyn azaıtýǵa baǵyttalǵan sharalardyń oń dınamıkasyn kórsetedi», dep túsindiredi bas bank.
S&P sarapshylarynyń pikirinshe, aqsha-nesıe saıasatynyń negizi nyǵaıyp keledi, Ulttyq bank ınflıasııany tejeý úshin sharalar qabyldap jatyr, al kvazıfıskaldyq shyǵyndar qysqara bermek. Sondaı-aq bank sektorynyń geosaıası jáne ekonomıkalyq táýekelderge tózimdi ekeni, kapıtal qory jetkilikti jáne ótimdiligi jaqsy ekeni aıtyldy. Budan bólek, tutynýshylyq nesıelerdiń azaıýy múmkin degen boljam jasaldy.
«Ulttyq ınfraqurylym josparyn odan ári iske asyrý ekonomıkaǵa kezeń-kezeńmen ártaraptandyrýǵa jáne shıkizattan tys kiristerdiń ósýine yqpal etedi. JIО́ ósimi 2025 jyly 5,5% deńgeıinde bolady dep kútilse, 2026–2028 jyldary 4%-ǵa deıin baıaýlaıdy», dep kórsetken halyqaralyq agenttik.