Prezıdent Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýy men tapsyrmalaryn iske asyrý sheńberinde elimizde qorshaǵan ortany qorǵaý, tabıǵatty aıalaý jáne ekologııalyq qundylyqtardy qoǵamda keńinen nasıhattaý baǵytynda keshendi jumystar atqarylyp jatyr, dep habarlaıdy Egemen.kz.
Osyǵan oraı «Taza Qazaqstan» atty ekologııalyq mádenıetti damytýdyń 2024–2029 jyldarǵa arnalǵan tujyrymdamasy daıyndalǵan. Atalǵan qujat halyqtyń ekologııalyq oı-sanasyn arttyrýǵa, ekologııaǵa jaýapty ómir saltyn qalyptastyrýǵa jáne ekologııalyq bilim men aǵartýshylyqty kúsheıtýge baǵyttalǵan.
Ekologııa jáne tabıǵı resýrstar mınıstri Erlan Nysanbaevtyń aıtýynsha, tujyrymdama azamattardyń tabıǵatqa qurmetpen qaraýyn qalyptastyrýǵa, qorshaǵan ortany qorǵaýdyń mańyzdylyǵyn túsindirýge jáne qoǵamdy ekologııalyq máselelerdi sheshýge jumyldyrýǵa múmkindik beredi.
Sonymen birge qujat bıznes pen iri kásiporyndardyń da rólin aıqyndaıdy. Olar tabıǵatty qorǵaý bastamalaryn júzege asyrýdaǵy negizgi seriktester retinde qarastyrylady.
Qazirgi tańda elimizdegi kóptegen kompanııalar «Taza Qazaqstan» bastamasyna qosylyp, turaqty tehnologııalardy engizip, óńirlerde ekologııalyq jobalardy qoldap keledi.