Almaty oblysyndaǵy Qaraısaı aýdanyna qarasty Turar aýylynda qurǵaq shóp órtenip, ol aýyl mańyndaǵy saıajaılar men sharýashylyq qurylystardy da sharpydy. О́rt saldarynan úsh adam mert boldy, dep jazady Egemen.kz.
Almaty oblysy Tótenshe jaǵdaılar departamentiniń derekterinshe, órt 30 tamyz kúni saǵat 15:50-de bastalǵan. Tilsiz jaý shamamen 30 gektar aýmaqqa jaıylyp, jeti saıajaı úıin, alty sharýashylyq nysandy, Honda Civic avtokóligin, shóp qoımasyn, bastyrma men turǵyn úıdi sharpyǵan. О́rt sóndirýshiler jetken kezde búkil aýmaq janyp jatqan.
О́rtti sóndirýge Almaty oblysy TJD, Almaty qalasynan arnaıy bólimsheler jáne jergilikti atqarýshy organdardyń kúshi tartyldy. Barlyǵy 27 adam men 10 tehnıka jumyldyryldy. Qutqarýshylardyń áreketiniń arqasynda órt 00:20-de aýyzdyqtaldy.
— О́rt ornynan úsh adamnyń denesi tabyldy. Oqıǵaǵa baılanysty sot-medısınalyq saraptama taǵaıyndaldy. О́rttiń sebebin anyqtaý úshin Almaty oblysy TJD anyqtaý bólimshesi men órt sebepterin zertteý zerthanasynyń ókilderi jumys istep jatyr, — dep habarlady vedomstvodan.