BERNAMA agenttiginiń (TV BRICS seriktesi) habarlaýynsha, Qazaqstan astanasy Astanada ASEAN kúni – 2025 merekesiniń aıasynda alǵashqy ASEAN jazǵy festıvali ótti, dep habarlaıdy Egemen.kz.
Malaızııa, Indonezııa, Taıland jáne Vetnam elderin biriktiretin Qazaqstandaǵy ASEAN komıteti uıymdastyrǵan bul shara ASEAN-nyń qurylǵanyna 58 jyl jáne komıtettiń Qazaqstanda jumys istegenine 11 jyl tolýyna oraı Indonezııa mádenı ortalyǵynda ótkizildi.
Festıvalge 1 000-nan astam adam qatysty. Olardyń qatarynda jergilikti turǵyndar, ASEAN jankúıerleri jáne dıplomatııalyq korpýs ókilderi boldy. Qonaqtarǵa mýzyka, bı, án sııaqty mádenı baǵdarlamalar usynylyp, dástúrli sán úlgileri men ulttyq ashanadan dám tatýǵa múmkindik berildi.
Qazaqstandaǵy Malaızııa elshisi Mohd Adlı Abdýlla óz quttyqtaý sózinde Malaızııanyń qazirgi ASEAN tóraǵalyǵyna toqtalyp, qazaqstandyqtardy Malaızııaǵa qonaq bolyp kelýge shaqyrdy.