Búgingi tańda dándi daqyldardyń 4,2 mln gektary jınalyp, bul jalpy egis alqabynyń 26 paıyzyn quraıdy. Jalpy 5,9 mln tonna astyq bastyryldy, dep jazady Egemen.kz.
Dándi daqyldardan bólek, elimizdegi aýyl sharýashylyǵy óndirýshileri 112,8 myń tonna maıly daqyl, 684,2 myń tonna kartop (gektaryna 241,5 sentner), 1,9 mıllıon tonna kókónis (286,8 s/ga) jáne 2 mıllıon tonnadan astam baqsha ónimin (272,6 s/ga) jınady.
Kókónis túrleriniń ishinde 340,4 myń tonna qyryqqabat (374,8 s/ga), 326,9 myń tonna pııaz (394,2 s/ga) jáne 115,7 myń tonna sábiz (302,9 s/ga) qambaǵa quıyldy.
Aýyl sharýashylyǵy mınıstrliginiń málimetinshe, egin jınaý naýqany belgilengen merzimde, agrotehnıkalyq talaptarǵa saı uıymdastyrylyp jatyr.