AQSh prezıdenti Donald Tramp birneshe aptaǵa sozylǵan únsizdikten keıin alǵash ret kópshilik aldyna shyqty. Keıingi ýaqytta onyń densaýlyǵy nasharlaǵany, tipti qaıtys bolǵany týraly túrli qaýesetter taraǵan edi, dep jazady Egemen.kz.
Prezıdent jýrnalıstermen Aq úıdegi kabınetindegi baspasóz jıynynda kezdesti.
«Men eki kún eshteńe istemedim, al jurt men týraly birden jaman áńgime shyǵara bastady», dedi Tramp ázil aralas pikir bildirip.
Qaýesetter tamyzdyń sońynda X áleýmettik jelisinde keńinen taraǵan. #TrumpIsDead heshtegi birneshe saǵat ishinde tanymal bolyp, myńdaǵan jazba jarııalandy.
Sol kúni-aq aty-jónin atamaǵan amerıkalyq sheneýnik Axios jýrnalısi Barak Ravıdke prezıdenttiń jaǵdaıy jaqsy ekenin, ol sol kúni golf oınap júrgenin aıtqan.
Áleýmettik jelilerde túrli boljamdar kúsheıdi. Keıbireýler AQSh vıse-prezıdenti Djeı Dı Venstiń qajet bolǵan jaǵdaıda prezıdenttiń mindetin atqarýǵa daıyn ekenin málimdeýin dálel retinde keltirdi. Al basqalary Tramptyń qolyndaǵy kógergen daqqa nazar aýdaryp, ony koroleva Elızaveta II-niń qaıtys bolar aldyndaǵy belgilermen salystyrdy.
Prezıdenttiń ózi el aldyna shyǵyp, densaýlyǵyna qatysty kúmándi áńgimelerdi joqqa shyǵardy. Osylaısha, Tramptyń qaıtys bolǵany týraly qaýesetterdiń jalǵan ekeni resmı túrde rastaldy.