5 qyrkúıekte Almatyda kásipqoı boks keshi ótedi. Sol jarystyń basty básekesinde Qazaqstannyń tanymal bylǵary qolǵap sheberi Álı Ahmedov Tanzanııanyń ókili Djozef Maıgvısııamen (14-4, 10 KO) judyryqtasady, dep habarlaıdy Egemen.kz.
Bastapqy kardta biz Dostanbek Mamutov, Baýyrjan Bekmurzaev, Farýh Toqtasynov, Qanat Sangıl, Vıktor Temirov, Nurjan Serikbaev, Yntymaq Dáýit jáne Rolan Ogaı syndy jerlesterimizdiń ónerin tamashalaımyz.
Negizgi kardty Balaýsa Mýzdıman (8-0, 6 KO) bastaıdy. Sporttyq mansabyn áýesqoılar arasynda bastaǵan qazaq qyzy qazirgi kezde kásipqoı rıngte óziniń myqtylyǵyn moıyndatýda. Bul joly Balaýsa úndistandyq Mamta Sınghpen (7-2-1, 4 KO) saıysqa túsedi.
Kópten beri kórinbeı ketken Janqosh Turarov (28-0, 20 KO) fılıppındik Álı Kanegamen (12-2-1, 8 KO) aıqasady. Al eń sońǵy jekpe-jekte Álı Ahmedov (23-2, 17 KO) pen Djozef Maıgvısııa (14-4, 10 KO) kúsh synasady.