Qazaqstan Respýblıkasy IIM Ulttyq ulanynyń 5516 áskerı bóliminiń áskerı qyzmetshileri kólik qaǵyp ketken 10 jastaǵy jasóspirimge kómektesti.
Qoǵamdyq tártipti qamtamasyz etý barysynda áskerı jasaq quramyndaǵy jasaq bastyǵy qatardaǵy Kırıll Zaısev, sondaı-aq qatardaǵy patrýlder Mıras Valeev pen Danıl Bykov Abaı kóshesinde bolǵan jol-kólik oqıǵasynyń kýási boldy. Kólik 10 jastaǵy balany qaǵyp ketken. Oqıǵany kórgen áskerı qyzmetshiler dereý áreket etip, zardap shekkenge balaǵa alǵashqy medısınalyq kómek kórsetti.
Ulandyqtar jedel járdem kóligin shaqyryp, balany dárigerlerge tapsyrdy. Sonymen birge, olar zardap shekken balanyń ata-anasyn taýyp, bolǵan jaıtty habarlady. Dárigerler kelgenge deıin oqıǵa ornyn qorshap, qaýipsizdikti qamtamasyz etti.
Jasóspirim aýrýhanaǵa jetkizildi. Dárigerlerdiń aıtýynsha, onyń ómirine eshqandaı qaýip joq.
Bul jedeldik pen jaýapkershilik Ulttyq ulan áskerı qyzmetshileriniń qoǵamdyq tártipti qorǵaýǵa jáne adam ómirin qutqarýǵa árqashan daıyn ekenin dáleldeıdi.