Abaı oblysynda óńirlik ınvestısııalyq shtabtyń alǵashqy otyrysy ótti. О́ńir basshysy Berik Ýálıdiń tóraǵalyǵymen ótken jıynǵa ınvestorlar, kásipkerler, sondaı-aq memlekettik mekemeler ókilderi qatysty.
Otyrysta «Eurasia Agro Semey» JShS, «PANA Complex Semey» JShS, «Yqylas Invest» JShS jobalarynyń iske asyrylý barysy talqylandy. Kásipkerlik jáne ındýstrııalyq-ınnovasııalyq damý basqarmasynyń málimetinshe, óńirlik ınvestısııalyq jobalar pýlyna 86 joba engizilgen. Jalpy quny 3,2 trln teńgeden asatyn bul jobalar 14 myńnan asa jańa jumys ornyn ashýdy kózdeıdi. Olardyń qatarynda agrarlyq keshenderdi damytý, qaıta óńdeý kásiporyndaryn ashý, ındýstrııalyq jáne áleýmettik ınfraqurylym nysandary bar.
«Endi ınvestısııalyq shtabtyń otyrysyn aı saıyn ótkizip otyramyz. Aýdandardyń áleýeti, múmkindigi bola tura ınvestısııalyq jobalar óte az. Bul baǵyttaǵy jumysty jandandyrý kerek. Biz ınvestorlardyń Abaı oblysynyń ekonomıkasyna qosatyn úlesin joǵary baǵalaımyz. О́ńir ekonomıkasynyń damýyna aıtarlyqtaı úles qosyp júrgen barlyq ınvestorǵa alǵys bildiremin. О́ńirdiń damý qarqynyna árbir ınvestısııalyq joba aıryqsha úles qosady. Zańnama aıasynda ınvestorlarǵa tıisti qoldaý kórsetiledi», dedi oblys basshysy.
Jıyn qorytyndysynda óńir basshysy óńirdiń ekonomıkalyq áleýetin tıimdi paıdalaný qajettigin aıtyp, qala-aýdan ákimderine ınvestısııa tartý baǵytyndaǵy jumysty jandandyrýdy tapsyrdy.
Abaı oblysy