Prezıdent Joldaýynda jastar máselesine erekshe toqtalyp, senim bildirdi. Sondaı-aq olarǵa otanshyldyq degenniń maǵynasyn uqtyryp, mán-jaıyna toqtaldy. Bul Memleket basshysynyń óskeleń urpaqtyń týra jolǵa túsip, ońy men solyn ajyratýǵa degen qamqorlyǵy dep túsindim.
Qasym-Jomart Toqaev jastarǵa arnaǵan sózinde «Adamnyń adamshylyǵy aqyl, ǵylym, jaqsy ata, jaqsy ana, jaqsy qurby, jaqsy ustazdan bolady» degen uly Abaıdyń aıtqanyn keltirdi. Osy oraıda Aqtóbe ferroqorytpa zaýytynda jastar kóptep eńbek etetinin aıtqym keledi. Barlyǵy da – óńirdegi Q.Jubanov atyndaǵy Aqtóbe óńirlik ýnıversıtetin bitirip kelgen jas mamandar. Dıplomyn ala sala jumysqa qabyldanyp jatyr. Tájirıbeli aǵa mamandar olarǵa jaqsy ustaz bolyp jol kórsetip keledi.
О́zim de 11 jyl buryn osy óndiris ornyna tájirıbesiz birneshe jaspen birge qyzmetke qabyldandym. Qazir zaýytta aýysym sheberi bolyp qyzmet atqaramyn. Qaramaǵymda 7 adam bar, barlyǵy – jastar. Prezıdent aıtqandaı barlyǵynyń kózqarasy – ártúrli. Dese de tájirıbesi az bolǵanymen, olar bilimdi, kúsh-jigeri kóp. Birden sheshim qabyldaýǵa daıyn.
Osy oraıda Prezıdenttiń óz aıtqanyn keltire keteıin: «Qazirgi kókiregi oıaý jas urpaq otanshyldyq degen sózdi basqasha qabyldaıdy. Jastardyń basym kópshiligi ásiredinshildikti, ásireultshyldyqty qoldamaıdy. Olar úshin patrıotızmniń basty kórsetkishi – jasampazdyq pen jańashyldyq. Jastar «Eldi súıý degenimiz – halyqqa paıdasy tıetin jańalyq ashý, jańa is bastaý» dep túsinedi. Olar Qazaqstandy damyǵan, kórkeıgen memleket retinde kórgisi keledi. Zamanaýı tehnologııalardy meńgerip, halqymyzdy ozyq oıly ulttardyń qataryna qosýǵa talpynady», dep jastardyń oıymen sanasyp, olardyń jasyna tán qabyldaý ereksheligine túsinistikpen qarap, qoldaý bildirip otyr. Bul jastarǵa úlken rýh beredi.
Nurlan BAIMOLDIN,
Aqtóbe ferroqorytpa zaýytynyń aýysym sheberi