Almaty oblysy boıynsha QR Ulttyq ekonomıka mınıstrliginiń Tabıǵı monopolııalardy retteý komıteti departamentiniń basshysy Gúlmıra О́tegenova Qonaev qalasynda ornalasqan «Qapshaǵaı óńiriniń gaz jelileri» JShS nysandaryna baspasóz týryn ótkizdi. Is-sharaǵa jýrnalıster, depýtattar, memlekettik organdar men qoǵamdyq birlestikterdiń ókilderi qatysty, dep jazady Egemen.kz.
Kompanııa dırektory Batýrın Abdrımov jobalardyń júzege asyrylý barysy týraly baıandap, 2021–2025 jyldarǵa arnalǵan jalpy somasy 173,2 mln teńge ınvestısııalyq baǵdarlama bekitilgenin aıtty. Onyń ishinde 2024 jylǵa 39,4 mln teńge qarastyrylǵan.
Baǵdarlama aıasynda Qonaev qalasynyń 1-shaǵynaýdanynda uzyndyǵy 2,5 shaqyrym tómen qysymdy gaz taratý jelisiniń qurylysy tolyq aıaqtaldy. Nysan paıdalanýǵa berilip, 2 271 tutynýshy kógildir gazǵa qol jetkizdi. Onyń ishinde 1 680 abonent búginde qosylyp úlgerdi.
Bıylǵy jyly quny 38,1 mln teńgeni quraıtyn jumystar jalǵasýda. Qazir qalanyń №18 shaǵynaýdanda uzyndyǵy 2,2 shaqyrym bolatyn gaz jelileriniń qurylysy bastalǵan. Joba tolyq aıaqtalǵannan keıin taǵy 2 myńnan astam turǵyn kógildir otynǵa qosylatyn bolady.
Qurylys jumystaryn osy jyldyń jeltoqsan aıynda aıaqtaý josparlanǵan.
Almaty oblysy.