Saqtandyrý salasyndaǵy ózgerister

Kelesi jyldan bastap Alma­tyda 95 myńǵa jýyq adam qosymsha saqtan­dy­ry­la­tynyn aıta ketken jón. О́ıtkeni mega­polıste turatyn 2,3 mln halyq­tyń 80%-y nemese 1,8 mln adam saqtandyrylǵan. О́kinishke qaraı, 475 myńdaı adam MÁMS júıesinen tys qalyp otyr.

Medısınalyq saqtandyrý qory Almaty qalalyq fılıaly dırek­torynyń orynbasary Nurdos Qadyrbekov MÁMS týraly zańǵa engizilgen ózgeristerge sáıkes, 2026 jyldan bastap jergilikti atqarý organdary halyqtyń áleýmettik jaǵ­da­ıy tómen bóligi úshin saqtan­dyrý jarnasyn tóleı bastaıtynyn aıtady. Sonyń arqasynda Almatyda 95 myńǵa jýyq adam MÁMS júıesindegi medı­sınalyq kómekke júginýge múm­kindik almaq.

«Muqtaj jandardyń ishinen medı­sınalyq kómekti jıi qoldanatyn azamattar iriktelip, jergilikti bıýdjet esebinen saqtandyrylady. 2026 jyly 26 myńnan astam adamnyń árqaısysyna aı saıyn 9 189 teńgeden, jalpy 2,9 mlrd teńgeden astam qarajat jumsalmaq. Sondaı-aq budan bylaı jumyssyz retinde resmı tirkelgender úshin de MÁMS jarnasyn jergilikti atqarý organdary tóleıdi», deıdi N.Qadyrbekov.

Sonymen qatar saqtandyrý júıe­siniń qarjylyq turaqtylyǵyn qamta­masyz etý maqsatynda 2026 jyldan bastap jarna tólenetin jalaqy shegi ózgeretinin eske sala ketý kerek. Taǵy bir atap ótetin jaıt, qazirde Almatyda 1,2 mln-nan astam, el kóleminde 11,2 mln-ǵa jýyq adam memleket ese­binen saq­tandyrylyp otyr. Bıyl mem­leket olar úshin aı saıyn ortasha aılyq jalaqynyń 2%-yn aýdarady. 2027 jyldan bastap jarna mólsheri birtindep ósip, 2037 jyly 4,7% deıin jetýi tıis.

MÁMS arqyly kórsetiletin medı­sı­nalyq kómektiń qoljetim­diligin arttyrý maqsatynda zańǵa taǵy bir jańa norma engizildi. Endi keminde 5 jyl qatarynan júıege jarna aýda­ryp kelgen azamattar ýaqytsha tólem qabiletinen aırylǵan jaǵdaıda, saqtandyrý mártebesi alty aıǵa deıin saqtalady. Buǵan deıin saqtandyrý mártebesi sońǵy tólem jasalǵan sátten bastap úsh aı ǵana saqtalatyn.

«Keıingi jyldarda biz birinshi ret saqtandyrý reformasyn teh­nı­kalyq emes, áleýmettik turǵydan qaras­tyryp otyrmyz. Engizilgen ózgeris­ter arqasynda medısına shynymen qoljetimdi bola bas­taıdy. Halyqty saq­tandyrý júıe­simen qamtý deńgeıi jaq­saryp, medı­­sı­na­lyq kómekti paıdalaný múm­kindigi arta­dy», dedi sarapshy Vıacheslav Lokshın.

Zańǵa engizilgen ózgeristerge sáıkes, 2025 jyldyń ekinshi jartysynan bas­tap barlyq onkologııalyq skrınıngter tegin júrgiziledi. Iаǵnı onkoskrınıngten ótýge saqtandyrý mártebesi talap etil­meıdi. Sondaı-aq 2026 jyldan bas­tap áleýmettik mańyzy bar segiz dertke kúdik keltirilgen jaǵdaıda konsýl­ta­tıvtik-dıagnostıkalyq kómek tegin kórsetiledi. Buǵan deıin atalǵan qyz­met­ter tek AITV men týberkýlez syndy eki syrqat boıynsha ǵana tegin bolatyn.

2026 jyldan bastap ambýla­tor­lyq dıalız, konsýlta­tıvtik-dıag­nos­tıkalyq kómek, ambýlatorlyq deń­geıde dári-dármekpen qamtamasyz etý, dınamıkalyq baqylaýǵa jatatyn 12 syrqat toby boıynsha jos­par­ly stasıonarlyq, stasıonardy almas­tyratyn kómek MÁMS paketi arqyly kórsetiledi. Bulardyń qata­ryn­da ba­ýyr, qan men qan shyǵarý organdarynyń, ish qurylys aýrýlary, juqpaly emes enterıt, kolıt, artropatııa, dorsopatııa, qalqansha bezi aýrýlary, qaterli emes adenoma isigi, sút bezderiniń qaterli emes dısplazııasy, áıelderdiń jynystyq aýrýlary, bronh-ókpe dısplazııasy, týabitti júrek kináraty, ishte paıda bolǵan kemistikter bar.

Almaty qalalyq qoǵamdyq densaý­lyq saqtaý basqarmasynyń bólim jetekshisi Láıla Imanǵalıevanyń aıtýynsha, bul bastamalar 2027 jyldan bastap qarjylandyrýdyń saqtandyrý úlgisine basymdyq berýge múmkindik beredi. Nátıjesinde, densaýlyq saqtaý salasyna jumsalatyn shyǵyn­nyń 35%-y Tegin medısınalyq kómek paketinen (TMKKK), 65%-y MÁMS paketinen alynbaq. Qazir­de shyǵynnyń 57%-y TMKKK pake­tine, qalǵan 43%-y MÁMS-ke tıe­sili.

ALMATY