Ulytaý oblysy, Jańaarqa aýdanynyń Túgisken aýylynda Vıbropessti apparat arqyly kirpish shyǵaratyn shaǵyn zaýyttyń ashylý saltanaty ótti, dep habarlaıdy Egemen.kz.
Ashylý saltanatyna Jańaarqa aýdany ákiminiń orynbasary Áset Amanjolov qatysyp, arnaıy quttyqtady. Sonymen qatar, aýyl aqsaqaldary Kashshafıdın Shaıkózov, Rahymbaı Úmbetov, Qaırat Kópbaev izgi tilekterin aıtyp, batasyn berdi.
Túgisken aýyldyq okrýginiń Ákimi Saıat Smaǵululy arnaıy apparatty saltanatty túrde iske qosyp, jınalǵan qaýym kirpish shyǵarý prosesine kýá boldy.
Zaýyt ıesi - Túgisken aýylynyń turǵyny Nııazalın Erbol Ahmetjanuly.
Erbol Ahmetjanuly óz qarajaty esebinen quny 33 mln 500 myń teńgege SSG-500 markaly vıbropressti apparat arqyly kirpish shyǵaratyn zaýyt qurylǵysyn satyp ákelip, ornatty. Jalpy zaýyt ashýǵa kásipker óz qarajaty esebinen 80 mln. teńge jumsady. Atalǵan zaýyt qumblok, qabyrǵa bloktaryn, trotýar plıtkalaryn, jıek tastaryn quıyp shyǵarýmen aınalysady.
Atalǵan qurylǵy saǵatyna 500-600 dana, kúnine 5000-6000 dana kirpish shyǵara alady. Qazirgi tańda atalǵan óndiris ornynda alty adam jumys isteıdi. О́ndiris tolyq qýattylyǵynda jumys istegende 12-15 adamǵa deıin turaqty jumys beretin bolady.
Ulytaý oblysy