Keıbir adamdardyń qan qysymy bylaıǵy ýaqytta qalypty bolǵanymen, dárigerge baryp ólshengende kúrt kóterilip ketedi. Bul qubylysqa «aq halat sındromy» degen ataý da berilgen. Mundaı kezde qysymnyń kóterilýi aýrýdyń ózinen emes, dárigerge qaralýǵa baılanysty ýaıymnan týyndaıdy.
Al úı jaǵdaıynda baqylaǵanda qysym qalypty deńgeıde bolýy múmkin. Aıta keterligi, munyń kerisinshe jaǵdaıy da bar. Ol «jasyryn gıpertenzııa» dep atalady. Mundaıda adamnyń qysymy ádette joǵary bolyp júredi, biraq dáriger teksergende qalypty bolyp shyǵady. Iаǵnı dáriger qan qysymyna tikeleı yqpal etpeıdi, biraq naýqastyń psıhologııalyq kúıi nátıjeni ózgertip jiberýi múmkin.