Bas prokýratýranyń Qylmystyq qaýip-qaterdiń jáne qoǵamdyq qaýipsizdiktiń táýekelderin boljaý ortalyǵy azamattardy álemde beleń alyp jatqan jańa kıberqaýipten saq bolýǵa shaqyrdy, dep jazady Egemen.kz.
Ortalyq sheteldik derekkózderdi mysal ete otyryp, júrgizýshilerge jol qozǵalysy erejelerin buzǵany úshin jalǵan qaýlylar jiberilip jatqanyn eskertti.
Alaıaqtar habarlamada júrgizýshi, kólik nómiri týraly derekterdi qamtyp, elektrondyq poshta men messendjerlerge tólem jasaıtyn siltemeni qosa jiberedi.
Búginde osy mazmundaǵy shabýyldar Reseı men AQSh-ta tirkelgen. Bas prokýratýra shemanyń Qazaqstanda taralý qaýpi bar ekenin málimdegen.
«Bank kartasynyń derekterin engizgen kezde alaıaqtar sizdiń shotyńyzdy paıdalanyp, basqa qarajatty da urlaý múmkindigi týyndaıdy. Jekelegen jaǵdaılarda siltemede qurylǵydan jeke derekterdi urlaýǵa arnalǵan vırýs bolady. Ákimshilik aıyppul salý týraly resmı habarlamalar tek 1414 qysqa nómirinen kelip túsedi jáne tólem siltemeleri kórsetilmeıdi. Eger 1414 nómirinen aıyppul týraly habarlama kelip, onda tólem siltemesi kórsetilse bul - fıshıngtik shabýyl», delingen habarlamada.
Aıta keteıik, aıyppuldar týraly aqparatty tek egov.kz, qamqor.gov.kz resmı resýrstary men bankterdiń mobıldi qosymshalarynan qaıta tekserýge bolady.
Eger siz silteme arqyly ótip, derekterdi engizgen bolsańyz:
- bank kartasyn shuǵyl buǵattańyz; - yqtımal alaıaqtyq faktisi týraly bankke jáne polısııaǵa 102 telefony arqyly habarlańyz; - uıaly telefonyńyzda vırýstyń bar-joǵyna tekserińiz.