Astanada 16–18 qyrkúıek aralyǵynda pankratıonnan Amateur MMA baǵyty boıynsha Qazaqstan chempıonaty ótti. Baıraqty básekede QR IIM Ulttyq ulanynyń áskerı qyzmetshisi, «BURKIT TEAM» klýbynyń sportshysy Nurǵalı Nurǵaıpuly qarsylastaryna des bermeı, chempıon atandy, dep habarlaıdy Egemen.kz.
Nurǵalı erkin kúresten halyqaralyq dárejedegi sport sheberi, sondaı-aq ulttyq qurama sapynda el namysyn qorǵap júrgen myqtylardyń biri. 2018–2022 jyldar aralyǵynda birneshe ret Qazaqstan chempıonatynda jeńimpaz atanyp, 2019 jyly Polshada ótken halyqaralyq týrnırde kúmis júldeger boldy. Sol jyly álem birinshiliginde besinshi orynǵa ıe bolǵan.
Budan bólek, ol jekpe-jekten 2023 jyly Qazaqstan chempıony, 2024 jyly pankratıonnan el chempıony atanǵan. «Nomad Wrestling II» týrnırinde qola medal ıelenip, jankúıerlerin taǵy bir márte qýantqan. Qazir Nurǵalı kásibı MMA sportshysy retinde tanymal. Sherdog málimetine sáıkes, onyń rekordy – úsh jeńis jáne eki jeńilis.
«Árbir jekpe-jek – erik-jiger men tózimdiliktiń synaǵy. Bul jeńis – jeke eńbegimniń ǵana emes, ustazdarym men komandamnyń ortaq jemisi. Qazaqstan týyn bıikke kóterý – men úshin eń úlken mártebe», dedi chempıon.
Nurǵalı Nurǵaıpulynyń jeńisteri jas sportshylarǵa úlgi bolyp, el sportynyń damýyna jáne Ulttyq ulannyń abyroıyn arttyrýǵa eleýli úles qosyp keledi.