Almaty oblysyndaǵy turmystyq qatty qaldyqtar polıgonynda tutanǵan órttiń aýmaǵy 15 gektarǵa jetti. Qyzyl jalyndy aýyzdyqtaýǵa 300-ge jýyq maman men 140 tehnıka tartyldy. О́rtke qarsy kúreske tótenshe jaǵdaılar qyzmetiniń mamandarymen birge jergilikti atqarýshy organdar men kommýnaldyq mekemelerdiń qyzmetkerleri de jumyldyryldy, dep jazady Egemen.kz.
Qazirgi tańda ashyq jalyn tolyǵymen óshirilgenimen, aýmaqtaǵy temperatýra joǵary kúıinde qalyp otyr. Mamandar qaýiptiń qaıta tutanýyna jol bermeý úshin polıgondaǵy ystyq oshaqtardy ınertti materıaldarmen kómip, topyraqty nyǵyzdaý jumystaryn júrgizip jatyr. Bul ádis otteginiń kelýin azaıtyp, órttiń qaıta tutaný qaýpin tómendetedi.
Tótenshe jaǵdaıdyń jarııalaný máselesi «Ashyq NQA» portalynda ótip jatqan daýys berý qorytyndysyna sáıkes sheshiledi. Ákimdik pen tótenshe jaǵdaılar departamenti jaǵdaı tolyq baqylaýda ekenin, alaıda turǵyndar saqtyq sharalaryn qaperde ustaýy qajettigin eskertti.