Elimizde 1 qyrkúıektegi jaǵdaı boıynsha 50 300 otbasyndaǵy 270 700 adamǵa jalpy somasy 21,7 mlrd teńge ataýly áleýmettik kómek taǵaıyndaldy. Bıyl bul maqsattarǵa bıýdjetten 110,7 mlrd teńge bólingen, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginiń málimetinshe, AÁK-niń negizgi maqsaty – aqshalaı tólemder túrinde qoldaý kórsetý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasylarǵa qıyn ómirlik jaǵdaılardan shyǵýǵa kómektesý.
AÁK mynalardy qarastyrady:
tabysy kedeılik sheginen aspaıtyn azamattarǵa toqsan saıyn áleýmettik kómek taǵaıyndaý; tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherinde aı saıynǵy qosymsha tólem berý. Aǵymdaǵy jyldyń 1 qyrkúıeginde AÁK alýshylar qatarynan mektep jasyna deıingi 83,6 myń balaǵa 2,8 mlrd teńge somasyna qosymsha tólem taǵaıyndaldy; jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) jáne basqalar arqyly jumyspen qamtýǵa járdemdesý.