Bıylǵy jyldyń segiz aıynda 3,5 mlrd teńge kólemindegi alımenttik bereshek óteldi. Sonymen qatar qasaqana tólemegen 50 boryshker qylmystyq jaýaptylyqqa tartylǵan. Onyń ishinde 33 adam sottalyp, 17 is bereshekti erikti túrde óteýine baılanysty toqtatylǵan, dep habarlaıdy Egemen.kz.
Oblystyq prokýratýranyń habarlaýynsha, aýdandyq sot boryshker «A»-ny 2,1 mln teńge qaryzy úshin bir jylǵa bostandyǵyn shekteýge úkim shyǵarǵan. Ol eki jyldan astam ýaqyt boıy alıment tólemeı kelgen.
«Sonymen qatar, alımenttik qaryzdardy óteý úshin 4 jyljymaıtyn múlik (jer telimderi, úıler) tárkilendi. Máselen, 5 mln teńge bereshegi bar boryshker «I»-diń ornyna sot oryndaýshysy Eńbekshiqazaq aýdanyndaǵy 100 sharshy metr turǵyn úıdi óndirip aldy», delingen habarlamada.
Prokýratýranyń bastamasymen 169 boryshker ákimshilik jaýaptylyqqa tartylyp, olardyń 108-i 5 táýlikke deıin qamaýǵa alynǵan.