О́skemen qalasynda aýqymdy ekologııalyq aksııa – World Cleanup Day («Dúnıejúzilik tazalyq kúni») uıymdastyryldy, dep jazady Egemen.kz.
Qatysýshylar mektepterdiń, uıymdar men kásiporyndardyń bekitilgen aýmaqtaryn tazalady. Ekovolonterler men memlekettik qurylymdardyń negizgi aımaǵy Shmelev Log aýmaǵy boldy.
Eske sala keteıik, ekologııalyq bastama Glýbokoe aýdanyn da qamtyp, KMM «Malo-Ýba orman sharýashylyǵynyń» aýmaǵynda 113 myń sibir shyrshasynyń kósheti otyrǵyzyldy.
Jalpy oblys boıynsha ótken aksııalarǵa shamamen 1000 adam qatysty: memlekettik organdar men kásiporyn qyzmetkerleri, oqýshylar, stýdentter, ÚEU ókilderi, eriktiler jáne belsendi qala turǵyndary.
Aksııa «Taza Qazaqstan» bastamasy aıasynda ShQO ákimdiginiń, О́skemen qalasy ákimdiginiń, Tabıǵı resýrstar jáne tabıǵat paıdalanýdy retteý basqarmasynyń, ShQO Ekologııa departamentiniń jáne qoǵamdyq ekologııalyq qozǵalystardyń qoldaýymen ótti.
Aıta keteıik, QR Ekologııa jáne tabıǵı resýrstar mınıstrligi shara qorytyndysyn Qazaqstan rekordtar kitaby – «QAEA»-ǵa engizýge ótinim berdi.
Dúnıejúzilik tazalyq kúni jyl saıyn 190-nan astam eldi biriktiredi, al Qazaqstan bul bastamany dástúrli túrde belsendi qoldap keledi.