Almaty merekesi aıryqsha mýzykalyq oqıǵamen órnekteldi. Almaty Cover Show atty aýqymdy shoýǵa 50 myńnan astam kórermen jınaldy. Shahar turǵyndary men qonaqtary 90-2000 jyldardaǵy altyn hıtterdiń kaver nusqasyn tyńdap, qazirgi tańda hıt-paradtardy baǵyndyryp júrgen zamanaýı trekterdi tamashalady, dep jazady Egemen.kz.
Keshtiń basty hedlaıneri kópten kútken Ninety One toby boldy. Sondaı-aq, sahna tórine ADAM, «Azııa» toby, Bahyt Shadaeva, Qali, Zarına Omarova, Arman Qonyr men Asha Mataı, Erlan Kókeev, Seıfýllın Jolbarys, Jeńis Ysqaqova, Jazıra men Janbolat, Móldir Áýelbekova, Baǵym Muhıtdenova, Toqtar men Beıbit, Muhtar Hanzada jáne basqa da óner ıeleri shyqty. Is-sharany tanymal shoýmen Tursynbek Qabatov júrgizdi.
«Men stýdentpin, dostarymmen birge keldim. Qazaqstandyq súıikti artısterimniń kópshiligi osynda óner kórsetti. Ásirese, Ninety One tobynyń sahnaǵa shyǵýyn taǵatsyzdana kúttik», – dedi Aıdana Qaıypbaı.
«Men bul is-sharaǵa alǵash ret keldim, emosııa keremet. Jandy daýysta án tyńdadyq. Konserttiń atmosferasy keremet áser syılady. Jańa ánshilerdi tanyp bildim, alǵan áserimdi mindetti túrde Instagram-ǵa jazamyn», – dedi Elnara Armanqyzy.
Almaty Cover Show naǵyz mýzykalyq marafonǵa aınaldy. Munda klassıka, retro men zamanaýı ánder toǵysyp, qalaǵa qýanysh pen birlik syılady. Bul kesh Almatynyń ónerdi ulyqtap, mýzykany dáripteı biletin qala ekenin taǵy bir márte dáleldedi.
Aıta keteıik, búgin Astana alańynda saǵat 10:30-dan 22:00-ge deıin merekelik úlken konsert ótip jatyr. Hedlaınerler qatarynda – Qaırat Nurtas, 6ellucci, TURAR, «MýzART» toby, Alan Cherkasov, Qurmash Mahanov, Erkesh Hasen jáne basqa da belgili ónerpazdar bar.