Aldaǵy úsh kúnde Qazaqstanda kún jylyp, keı jerlerde aýa temperatýrasy +28 gradýsqa deıin kóteriledi, dep habarlaıdy Egemen.kz.
«Qazgıdromet» málimetine sáıkes, qyrkúıektiń 23-24 kúnderi el aýmaǵynda atmosferalyq fronttardyń ótýine baılanysty jańbyr jaýyp, batys pen ońtústikte naızaǵaı kútiledi. 23 qyrkúıekte shyǵysta, al 23-24 qyrkúıekte ońtústik-shyǵysta qatty jańbyr bolady. Taýly aımaqtarda túnde jańbyr qarǵa ulasýy yqtımal.
Sınoptıkterdiń boljaýynsha, respýblıka boıynsha jeldiń kúsheıýi, túngi jáne tańerteńgi ýaqytta tuman túsýi múmkin. Sonymen qatar kúndizgi temperatýra birtindep 20-28 gradýsqa deıin, al shyǵys óńirlerinde 15-25 gradýsqa deıin kóteriledi.