Memleket basshysy BUU Bas Assambleıasynyń 80-shi sessııasy alańynda Chernogorııa Prezıdenti Iаkov Mılatovıchpen kezdesti. Bul týraly Aqorda habarlady.
Qasym-Jomart Toqaev elimiz Chernogorııany Balqan túbegindegi mańyzdy seriktesi sanaıtynyn atap ótti.
Kelesi jyly eki el arasyndaǵy dıplomatııalyq yntymaqtastyq ornaǵanyna 20 jyl tolady. Osy jyldar ishinde memleketter arasynda dostyq pen ózara túsinistikke negizdelgen syndarly qarym-qatynas qalyptasty.
Iаkov Mılatovıch ekijaqty baılanystardy damytýǵa aıtarlyqtaı úles qosqany úshin Qazaqstan Prezıdentine alǵys aıtty. Onyń aıtýynsha, Chernogorııa qazaqstandyq týrıster jıi keletin elderdiń birine aınalǵan.
Almaty men Podgorısa arasynda tikeleı áýe reısiniń ashylýy, sondaı-aq Qazaqstan azamattaryna vızasyz rejım engizilýi qos halyqty jaqyndata tústi.