Qarmaqshy aýdandyq sotynda Qazaqstan Respýblıkasy ÁQBtK-niń 127-babynyń 3-bóligi boıynsha jergilikti azamatqa qatysty is qaraldy, dep jazady Egemen.kz.
Ákimshilik quqyq buzýshylyq týraly hattamaǵa sáıkes onyń kámeletke tolmaǵan uly basqarý quqyǵy joq bola tura, kólik quralyn basqarǵan. Sotta azamattyń kámelettik jasqa tolmaǵan ulyn tárbıeleý jónindegi mindetterdi oryndamaı, ulynyń ákimshilik quqyq buzýshylyq belgileri bar áreketke barýyna jol bergeni aıtyldy.
Sot qaýlysymen ol Qazaqstan Respýblıkasy «Ákimshilik quqyq buzýshylyq týraly» Kodeksiniń 127-baby 3-bóligimen kináli dep tanylyp, oǵan 55 048 teńge kóleminde aıyppul salyndy.