Qostanaı qalasy men Qostanaı, Meńdiqara, Fedorov aýdandarynda tańerteńnen beri qar jaýyp tur. Tolassyz jaýǵan qardyń saldarynan japyraǵy sarǵaıyp úlgermegen aǵash butaqtary synyp, elektr jelilerinde apattyq jaǵdaılar tirkeldi, dep habarlaıdy Egemen.kz.
Kommýnaldyq qyzmetter synǵan butaqtardy kólikke tıep áketip jatyr. Birneshe kósheniń boıynda elektr jelileri isten shyqty. Apat bolǵan jelilerde 6 brıgada jóndeý jumystarymen aınalysyp jatyr.
Aýa raıynyń qolaısyzdyǵynan kúre joldardyń boıynda da jol-kólik oqıǵasy jıilep ketken. Polıseıler jol jıegine túsip ketken 9 avtokólikti shyǵardy.
«Aýa raıynyń nasharlaýyna baılanysty patrýldik polısııa qyzmetkerleri kúsheıtilgen qyzmet tártibine kóshti. Qarabalyq aýdanyna qaraı shyǵatyn KAZ-03 «Qostanaı – Almaty – Ekaterınbýrg» respýblıkalyq avtomobıl joly erekshe nazarda. Tańǵy saǵat 6:00-den 10:00-ge deıin jol shetindegi saıdan toǵyz avtokólik shyǵaryldy», dep habarlady oblystyq PD-nyń baspasóz qyzmeti.
Qostanaı oblysy